Mga bala ug armas, gipalusot sa barangay kagawad ug kaubanan

Tanggong sa prisohan sa Ampayon Police Station ang barangay kagawad ug laing duha ka mga drayber sa de pasaheroang motor human nasakpan nga nagpalusot og mga bala ingon man armas diha sa Checkpoint sa Purok-1B, Brgy. Pianing, Butuan City pasado alas – 8:10 kagabii.

Ang mga nasakpan naglangkob nila Ferdinand Dagium, 27 anyos, minyo, Barangay Kagawad ug Rolando Dagium, 34 anyos, minyo, drayber sa single motor, pulos residente sa Purok 4, Sitio San Roque, Brgy. Magsaysay, lungsod sa Sibagat ug Marvin Pepito Merencillo, 26 anyos, dunay kapuyo, taga – Purok 1, Brgy. Mount Ararat, Bayugan City, pulos sakop sa probensya sa Agusan del Sur.

Sumala ni Police Senior Master Sergeant Leovin Salarda, ang imbestigador sa Ampayon Police Station, nabawi gikan sa posisyon sa mga nahisgotan ang 4,800 ka buok mga buhing bala sa AK 47, duha (2) ka buok rifle grenade, tulo (3) ka mga single motor, ug nagkadaiyang klase sa pagkaon.

Gitin-aw sa opisyal, pulos notadong tighatod og mga suplay sa rebeldeng New People’s Army (NPA) partikular na sa Regional Sentro de Grabidad (RSDG) ilawom sa North Eastern Mindanao Regional Committee (NEMRC) ang mga dinakpan.

Atubangon sa mga dinakpan ang kalapasan sa Republic Act No. 10591 kun Comprehensive Firearms and Ammunition Regulation Act ug Republic Act No. 9516 kun Illegal Possession of Explosives.

Leave a Reply

Your email address will not be published. Required fields are marked *