Mga batang hindi regular na nababakunahan kontra sa mga sakit sa Pili, Camarines Sur, sinusuyod ngayon ng MHO

NAGA CITY – Kasalukuyang sinusuyod at nagsasagawa ng house-to-house Regular Vaccination Program ang Municipal Health Office ng Pili, Camarines Sur, sa mga bata sa bayan.

Ito ang nakuhang impormasyon ng Brigada News FM Naga kay MHO Dr. Rafael Salles.

Aniya, kasabay ng pagbabakuna ng COVID-19 vaccine sa mga Senior Citizen, isinasama na rin nilang bakunahan ang mga batang hindi regular na nabibigyan ng bakuna, mga batang hindi pa nababakunahan at mga batang kailangan na mabakunahan kontra sa iba’t-ibang sakit.

Prayoridad ngayon ang Barangay Palestina, Cadlan, San Agustin, Caroyroyan, Binanwaanan at ang Barangay Himaao.

Dagda pa ng Doktor, sinisikap nilang maabot ang mga bata lalo na hindi lahat nakakapunta sa center ang mga magulang para lang mapabakunahan ang mga anak gayong ang ilan ay walang panahon at may trabaho, kung saan dapat na naibibigay sa mga bata kailangan nila para sa magandang kalusugan.

Leave a Reply

Your email address will not be published. Required fields are marked *