Gihatagan og hinabang sa City Social Welfare and Development Office kon CSWDO ug City Disaster Risk Reduction and Management Office CDRRMO ang mga biktima sa sunog.
Sumala kay CDRRM Officer Dr Bong Dacera nga ang ilang gihatag nga hinabang bugas ug mga kagamitan sa panimalay samtang mosunod pa ang laing mga hinabang sama sa kwarta.
Sa pasiunang natala sa mga Social Workers niabot sa 48 ka pamilya ang apektado sa sunog gabei sa adlaw nga sabado hantud na sa kaadlawon ug tapot lawas lang ang nadala sa kadaghanan.
Sumala sa usa ka biktima sa sunog nga si Daisy Lou Urdaneta wala gayud silay nadala bisan ang mga kagamitan sa iyang mga anak sa eskwela,kinahanglan usab sila ug kwarta aron makapatukod balik sa ilang balay,nagpasalamat hinuon kini sa gihatag sa LGU Gensan nga mga hinabang sama sa bugas.
Sa bana-bana sa taga Burea of Fire Protection sumala sa ilang tigpamaba nga si F03 Lester John Muñez,wala pa nahuman ang ilang imbestigasyon sa sinugdan sa sunog unya ang damyos anaa sa bana-bana nga P700,000.00. I Ver Diazon