Magatilipon hin-aga ro mga breastfeeding mothers sa pagahiwatun nga milk-letting activity sa syudad it Iloilo, kaangot sa selebrasyon it National Breastfeeding Awareness Month.
Ro nasambit nga event hay pagapangunahan it Iloilo City Health Office (CHO), pinaagi it La Paz Maternity and Reproductive Health Center (LMRHC), katuwang ro advocacy group, Breastfeeding Ilonggas (BFI).
Base sa LMRHC Nutrition Program, ro mga nanay nga nagapasuso hay maga-donate it andang gatas nga igatao sa mga Ina nga owa it gatas sa mga unang adlaw o nagamasakit ag may mga komplikasyon pagkatapos mag-unga.
Ro donasyong gatas hay pagakolektahon ag pagadaehon sa Western Visayas Medical Center (WVMC) Human Milk Bank. // ANN DESLENE SALAZAR