Mga corals sa Rozul Reef, napinsala dahil sa iligal na pag-aani

Nananatiling nasa mabuting kalagayan ang marine biodiversity sa Rozul Reef sa West Philippine Sea sa kabila ng pag-aani at nasisirang corals.

Ayon sa Bureau of Fisheries and Aquatic Resources (BFAR), mas dapat pagtuunan ng pansin ng Pilipinas ang buhangin o mga durog na korales na natagpuan sa seabed ng Rozul Reef.

Sa kabila nito, may mga senyales na nag re-recover na ang biodiversity sa nasabing lugar, tulad ng nakitang clownfish sa sea anemone nito at maliliit na isda na lumalangoy malapit sa mga patay na korales.

Noong Setyembre 2023, iniulat ng Philippine Coast Guard (PCG) ang “severe damage” sa marine environment at coral reef sa seabed ng Rozul Reef at Escoda Shoa; matapos unang iulat ng Armed Forces of the Philippines Western Command na may mga kaso ng malawakang pag-aani ng coral sa kahabaan ng Rozul Reef.