Mga driver gikan sa mga barangay naga-pangayo na og ayuda

Nagapangayo og ayuda ang mga Tricycle Drivers nga sayong naga pamasada padulong sa merkado publiko gikan sa managlahi nga mga Barangay sa General Santos City gumikan ilaha na nga nabatyagan ang epekto sa clustering ilawom sa GCQ status.

Sumala kang Marvin gikan sa Labangal, ilahang nabatyagan ang epekto sa GCQ status sa ilang pagpamasada sugod pa sa kaadlawon hantud gabei gumikan dili na kaabot sa 400 pesos ang ilang kita sa duha ka adlaw sukad nag GCQ.

Anaa nalang 150 pesos og kulang alang sa pamilya, mao nga iyaha ginasugyot nga maghatag kanila og ayuda ang Local Government Unit kay wala silay laing panginabuhi unya tulo ang iyang anak. Sumala usab kay Michael sa wala pa ang GCQ naga abot sa 700 hantud 800 pesos ang ilang kita matag adlaw apan dili na makuha ilawom sa GCQ, nagdugang pa sa palisod kon may boundary sa Unit, mao nga iyaha usab ginasugyot nga i-number coding nalang tungod sa mga adlaw nga sila maka pamasada sigurado ang kita kaysa sa clustering.