Mga driver sa Camarines Sur problemado nanaman sa big-time fuel price hike; mas mataas na pasahe sa jeep hindi pa naipapasunod

NAGA CITY- Problemado nanaman ang mga driver sa Camarines Sur sa big-time na pagtaas ng presyo ng produktong petrolyo lalo’t karamihan sa kanila hindi pa naipatutupad ang taas-singil sa pamasahe.

Kinumpirma ng Department of Energy ang pagsipa sa presyo, P6 hanggang P6.30 ang itataas sa kada litro ng diesel sa Gasolina naman P1.10 to P1.40 bawat litro.

Ang 30 taon nang namamasada ng padre de pamilyang si Wilfredo Rueles biyaheng Naga-Pasacao ibinahagi sa Brigada News FM Naga na  maliit na halaga para sa kanila ang pisong dagdag sa minimum na pamasahe pero mabigat aniya ito sa mga pasahero. Hindi pa man nila naipapatupad ang dagdag pasahe dahil nilalakad pa ang fare matrix tataas nanaman ang presyo ng petrolyo.

Ayon naman kay Gely Nacor na biyaheng Naga- Minalabac, may mga pagkakataon na iniintindi niya ang kakulangan ng pamasahe lalo na kung estudyante basta’t nagpapasalamat at nagsasabi kaya para sa kaniya mainam kung ang pagpapababa ng presyo ng produktong petrolyo ang tututukan.

Leave a Reply

Your email address will not be published. Required fields are marked *