UBAY ubayng mga sinakong basura ang nakolekta sa gatusan ka mga kabataan nga scholar sa LGU-GenSan.
Kini human misalmot ang mga nahisgutang scholars sa usa ka coastal clean-up drive, Enero 28 sa baybayun sa Queen Tuna Park.
Ang LGU GenSan pinaagi sa City Mayor’s Office -AKLAT Division, sa pakig-alayun usab sa City Environment and Natural Resources (CENRO), naglusad “Linis Gawa Pang-Iskolar,” usa ka coastal clean-up drive activity.
Ang nahisgutang pagpanglimpyo sa daplin sa dagat ang gisalmutan sa mga EduKar scholars nga gustong makatabang sa programa ni Mayor Lorelie Pacquiao alang sa kahinlo ug pagpananum sa GenSan.
Samtang gitino sa CMO-AKLAT ang pagsalmot sa Linis Gawa Pang-Iskolar sa mga nahisgutang Edukar scholars ang dili compulsory, ug kadtong may mga klase sa parehong adlaw, ang wala usab ginatugutang makaapil sa clean up drive.
Photo by LGU GenSan