GIKALIPAY sa mga empleyado sa local government unit sa General Santos City ang gipahibalo sa labaw sa Human Resource Management and Development Office kon HRMDO nga modawat sila og P3,000 nga anniversary bunos.
Segun kang Marcelino Bohol gikan sa City ENRO nga daku ang iyang pasalamat sa bonus kay adunay ikapalit sa iyang panginahanglan sa panimalay, ang P3,000 daku kaayo og ikatabang kanila nga mga empleyado.
Sumala usab kay Jorge Lumanta gikan sa City Housing Office nga alang sa pamilya ang paadtuan sa madawat niini nga bonus.
Butyag usab ni Atty. Rosendo Roque nga ang nakaserbisyo og usa ka tuig sa LGU GenSan makadawat og anniversary bonus.
Sa bahin sa City Budget Officer nga si John Quemosing gisulti niini nga ginaproseso pa ang anniversary bonus, alang daw kini sa mga regular, casual ug co terminus apan walay apil ang mga job order workers. I Ver Diazon