Mga fully vaccinated laban sa COVID-19 sa Bicol, nasa 16% pa lang

BICOL—Umaabot pa lamang sa 16% ng target population ang fully vaccinated sa Bicol region base sa pinakahuling Vaccine Statistics na inilabas ng Department of Health (DOH) Bicol kahapon.

185% na ang fully vaccinated sa A1 o mga health workers, 47% sa A2 o mga senior citizens, 57% sa A3 o individuals with comorbidity, 6% sa A4 o mga uniformed personnel at 0.63% sa Other priorities.

Kung ibabase sa bilang, umaabot na sa 703,373 ang mga completely vaccinated sa rehiyon kung saan 220,416 nito ay sa A2 priority group; 209,073 sa A3; 157,844 sa A1; 106,390 sa A4 at 9,650 sa A5.

Kabilang sa mga ito ang mga nabakunahan na sa second dose na nasa 466,177 at ang mga nabakunahan ng one shot Janssen vaccine na nasa 237,196.

Kung pagbabasehan naman ang vaccination coverage kabilang na ang mga naturukan ng first dose, mayroon nang 23% coverage ang rehiyon kung saan nasa 100% na ang sa A1, 50% sa A2, 72% sa A3, 13% sa A4 at 3.79% sa A5.

Sa kabuuan, mayroon nang 2,124,620 doses ng COVID-19 vaccines ang natanggap ng Bicol region at nasa 68% o 1,446,743 doses na nito ang naibakuna.### || slm