NAKAPAS-AN og usa ka sakung bugas ang 117 ka parisan nga gikasal adlaw nga Dominggo sa kasalan nga gipasiugdahan sa taga Local Civil Registrar kun LCR ug sa City Population Office.
Si JR Baal nagsulti nga daku gayod ang iyang pasalamat sa mga opisina sa goberno nga nagtabang kanila ug sa ilang agency ug kompanya aron sila nga dugay na nga nagpuyo makasal na.
Nagapasamalat usab siya kay Mayor Lorelie Pacquiao kay human sila kasla naa pay gipabalon na bugas, mao nga human sa serimonya iyaha dayon gikuha ang ilang bahin sa iyang asawa aron madala sa ilang panimalay.
Sumala usab kay Jessica Estrella, ‘super love’ niya ang iyang pares nga si Jonas Villaruel sa walo ka tuig nga panag-uban, gisulti usab ni Jonas nga insperado siya nga mag gwardiya tungod sa pagmahal sa iyang asawa.
Gitambagan ni Mayor Pacquiao ang mga kinasal nga dili gayod ipadungog sa mga kabataan ang panaglalis kay sila sa iyang bana nga si Kanhi Partylist Representative Bobby Pacquiao sa cellphone ginapaagi ang ilang away.
Nalipay usab pag ayo ang General Manager sa Gentuna nga si Teddy Kho sa iyang nakita ug nabati nga expression sa gugma ug kalipay sa mga empleyado nga makasal kay labing unang higayon daw niini nga makasaksi sa kasalan, nagsaad usab kini nga mosuporta sa mga programa sa lokal nga goberno.
Dili option ang panagbulag mao usab kini ang tambag sa labaw sa City Population nga si Judith Haniola ug gideklara sa labaw sa Local Civil Registrar nga si Nenita Ellivera nga malampuson ang kasalan sa Gentuna nga gipahigayon sa Lagao Gymnasium,naga awhag usab kini sa ubang kompanya nga maghimo ug susama nga serbisyo sa ilang mga empleyado nga wala pa nakasal. I Ver Diazon