Mga hakbang upang maiwasan ang scams sa sim card registration act, inilatag ng NTC Bicol

Ipinaliwanag ang National Telecommunications Commission (NTC) Bicol ang karagdagan pang mga detalye hinggil sa Sim Card Registration Act lalung-lalo na ang mga hakbang upang maiwasan ang mga scams o maling mga impormasyon.

Ayon kay Atty. Judy Bilangel ng nasabing tanggapan, ang mga service providers umano ang magbibigay ng link upang makapagregister ang mga subscribers.

Huwag basta-basta umanong magki-click ng mga link nang hindi sigurado o hindi naman beripikadong mula sa lehitimong service providers.

Kinakailangan umanong i-check ito sa lehitimong page, website o platform ng telco company kung saan naka-subscribe.

Magsisimula ang pagrerehistro ng mga sim cards bukas, Disyembre 27, at ayon sa tanggapan, magde-deactivate ang mga ginagamit na sim cards sakaling hindi makapagrehistro hanggang sa deadline.

Samantala, siniguro rin nitong magiging ligtas ang mga personal na impormasyon ng mga magrerehistro.

Leave a Reply

Your email address will not be published. Required fields are marked *