Mga hog raisers sa Aklan, naga-abot eon sa P1M nga kalugihan dahil sa ASF

Naga-abot eon sa P1M ru kalugihan it mga hog raisers sa Aklan dahil sa African Swine Fever (ASF) o pag maeasakit it mga alagang baboy.

Suno kay Engr. Jun Agrabante, Presidente it Federation Hog Raisers sa Aklan, apektado eon it nasambit nga virus ru mga hog raisers matapos makasueod sa 7 mga kabanwahunan sa probinsya.

Hinyo ni Agrabante sa Aklan Provincial Government, kun may una gid man nga bulig ru local nga pamunu-an it Aklan hay dapat nga itao eon sa mga apektadng hog raisers agud makabulig sa pagkalugi.

Dapat man sigun nga maghimo it mass grave ru mga municipal mayors agud malikawan ru transmission it virus dahil kaeabanan sigun hay gina eobong eamang maeapit sa tangkae rason nga madali ru transmission sa ibang mga buhi nga alagang baboy.

Kinahangean sigun nga ma introduce it probinsya ru alternative livelihood ag sustainable agud maskin paano hay maka makabawi sa kalugihan.//MARIVIC Y. ILIN

Leave a Reply

Your email address will not be published. Required fields are marked *