NALINGAW ug nakadawat sa serbisyo ang pipila ka inahan sa Barangay Fatima atol sa Mothers Day sa aktibidad nga gipahigayon sa Fatima Police Station adlaw nga Domingo.
Gipangunahan ni PM Rissa Hernaez kuyog ang mga kababayen-ang Pulis sa estasyon sa paglusad sa ‘Bayanihan ng mga Ina’ alayon sa Barangayanihan project sa PNP.
Atol sa programa adunay lecture kalabaot sa mga katungod sa mga kababayen-an nga unod sa RA 9262 kon Anti Violence Against Women and their Children Act of 2004 pinaagi ni Pssg Jonalyn Himalay ang Womens and Childrens Protection Desk Officer sa Fatima PNP.
Gipasabot ni Himalay nga adunay upat ka matang sa pagpangabuso ang physical, psychological o emotional,sexual ug ang sexual nga pangabuso, bisag asa niini mamahimo nga makadangop sa estasyon sa pulis aron moraklamo.
Gipahinumdoman usab ni Himalay ang mga partisipante nga ibutang gayod sa tunga sa ilang relasyon ang Ginoo nga maoy tinubdan sa tanan aron nga magmalungtaron ang pamilya.
Samtang sa ubang bahin sa programa nag palupad og lobo nga kolor violet ang mga Inahan sa pagpanguna ni Major Hernaez, makita nga nagasul-ob sila og sanina nga may na imprinta nga “We Make Change Work for Women Juana Laban sa Pandemya, Kaya! ”
Human sa lecture aduna usab mga giveaways nga produkto alang sa family planning ug uban pa. ( Ever Diazon)