Mga kabataan at estudyante sa Naga City , pinaalalahan sa pagsama sa mga rally

NAGA CITY – Hindi naman pinagbabawalan ng City Government ng Naga ang mga kabataan at estudyante ng lungsod na lumahok at sumama sa anumang mga nagra rally at pagtitipon.

Bahagi ito ng demokrasya at hindi ito pwedeng ipagdamot. Ito ang inilabas na pahayag ni City Councilor Elmer Baldemoro, Committee Chair ng Women and Children’s welfare sa konseho bilang reaction sa sinasabing na red-tag ang mga estudyanteng sumama sa rally sa pagtatapos ng halalan.

Sa panayam ng Brigada News FM Naga kay Baldemoro, nilinaw nito na kailangan lamang na piliin ng mga estudyante at ng mga kabataan ang grupong sasamahan nila.

Iwasan anya ang mga grupong may layuning maghasik ng kaguluhan o manakit sa oras na ginagawa ang rally, sabi pa ng konsehal.

Dismayado naman siya sa napabalitang may nagre-red tag sa mga kabataan dahil sa sumama ang ilan sa mga ito sa  ginanap kilos-protesta sa plaza na pinangunahan ng mga progresibong grupo.

Ayun sa kanya, ang ginawang paglahok ng mga estudyante sa naturang rally ay pagpapakita lamang ng kanilang saloobin at hindi naman para manggulo o labanan ang gobyerno.  

Leave a Reply

Your email address will not be published. Required fields are marked *