MIHATAG og garbo ang 13 ka miyembro sa Philippine Military Academy “Masaligan” Class of 2021 nga gikan sa Northern Mindanao nga bag-ohay lang mi-gradwar sa Baguio City, kagahapong adlawa.
Nasayran nga sa 164 cadets, ang kadete nga si 1st Cadet Janray Artus nga taga Negros Oriental ang nagsilbing class valedictorian.
Samtang ang top 6 nga si Cadet 1st Class Feljoy Ending nga gikan sa Oroquieta City, Misamis Occidental.
Lakip sab sa mga mi-graduwar ang gikan sa dakbayan sa Cagayan de Oro nga sila Cadet 1st Class Raven Bendoy sa Barangay Patag; Issachar Corbado nga taga Barangay Bugo; Darwin Jesus Macapagal sa Brgy Nazareth; John Michael Frondarina sa Xavier Heights, Uptown area.
Wala sab nagpaulahi ang mga PMA Cadet sa Bukidnon nga sila 1st Class Duane Andrew Otome sa Don Carlos; Air Force 1st Class Mark Gyan Wales sa Malaybalay City; PMA Cadet 1st Class Armela Mae Ellar sa Malaybalay City.
Mi-gradwar sab duha ka taga Iligan City nga sila Navy Cadet 1st Class Kevin Kyle Caminero ug Cadet 1st Class Froumie Ochea; samtang ang taga Lanao del Norte nga si Cadet 1st Class Gerald Alquiz; PMA 1st Class Kenneth Roger Jacinto ug si Cadet 1st Class Alfretz Brigole nga taga Ozamiz City, Misamis Occidental. (Noel Registos)