LAIN man kon ugaling nga pamutlon ang mga kahoy sa campus sa Mindanao State University tungod kay wala nay landong nga kapasilongan sa init nga panahon.
Kini ang nahimong pamahayag sa estudyante nga si Kier Escote, apan gipamahayag niini nga ipatan-aw nalang sa mga experto kon ugaling nga unsay angayan nga buhaton sa maong mga kahoy
Giluwatan ni escote ang maong pamahayag human nga adunay kauban niini nga estudyante sa maong tunghaan ang natumbahan og kahoy nga name tree samtang anaa sa canteen.
Mismong si Escote ang nakakita niadtong higayona sa dihang natumba ang maong kahoy nga maoy hinungdan sa pagdali niini og dagan aron nga matabangan ang nadat-ogan.
Usa sa naa niadtong higayona nga mao si Rhea Soriano ang nagkumpirma nga bag-ong abot ang estudyante ug sa wala damha natumbahan sa name tree.
Matud pa niini nga usa lang ang iyang nahinumdoman niadtong higayona nga nakit-an ang estudyante nga nagapungko ug kalit nga natumbahan sa kahoy.
Gikumpirma usab niini nga nakuyapan ang natumbahan ug sa dihang nakamatngon nagsige napud og hilak samtang nagadat-og ang kahoy ngadto sa lawas niini.
Kalabot sa maong taho, gisulayan sa Brigada News Team nga kuhaan og pamahayag ang pamunoan sa maong unibersidad ugaling kay dili pa sila makapagawas og pamahayag kalabot sa maong hisgotanan sa dihang sila ang giadtoan. I Danny Casi