Magluwas sa medalya, makabaton sang cash incentives ang mga kapulisan nga madinalag-on nga makadakop sang hangkilan nga mga indibidwal nga nagahimo sang iligal nga aktibidad ilabi na sa illegal drugs.
Ini ang ginpahayag ni Police Brigadier General Sydney Villaflor, director sang Police Provincial Office 6 sang ma-interview sang Brigada News FM Roxas City.
Suno kay Villaflor, may yara sila sang patakaran nga kun makadakop kag makapapriso ang mga kapulisan sang dalagkuan nga persona nga yara sa ila listahan nga nagahimo sang kriminalidad kasubong sang Private Armed Groups (PAGs) indi ini magduha-duha nga maghatag sang cash incentives.
Pinaagi sini, makahatag ini sang inspirasyon sa mga kapulisan nga himuon sang insakto ang ila trabaho.
Dugang pa sang natungdan, indi dapat paghatagan sang kahigayunan ukon lugar ang mga kriminal aton komunidad.
Nahibaluan nga nagbisita si Villaflor sa Capiz Police Provincial Office kadungan sang blessing sang bag-o nga conference building sa nasambit nga talatapan. | Judy Ann Juare