Nakadakop ro Police Regional Office 6 it kabieogan nga 205 gun ban violators sa pagpatuman it Comelec gun ban sa bieog nga nasyun.
Base sa reports, ro Negros Occidental Police Provincial Office (NOPPO) ro may pinakaabo nga numero it mga naaresto nga nagaabot sa 68.
Nakakumpiska man it mga otoridad ro 42 ka mga baril ag 32 bladed weapons sa lugar.
Samtang, ro Iloilo Police Provincial Office (IPPO) hay nakaarestro it 36 violators ag nakakumpiska it 25 baril ag 12 ka mga armas.
Sa pihak nga bahin, ro Aklan Police Provincial Office (AKPPO) hay nakadakop it 25 katawo ag nakakumpiska it pito ka mga baril ag 19 ka mga bladed weapon.
Narekord man it Guimaras Police Provincial Office (GPPO) ro pinakanaba nga numero it mga naaresto nga nagaabot eamang sa walo. Narekober man sa anda ro walo ka mga baril ag daywa ka mga deadly weapons.
Nag-umpisa ro Comelec gun ban ku Enero 9 ag magatapos raya sa Hunyo 8./JIL B. LACSON