DILI gayud kinahanglang magkumpyansa tungod nagpabilin pa ang bahad sa COVID-19.
Kini ang gipasibaw ni Idol Brigada Elmer Catulpos kalabot sa padayung pagtuman sa Executive Order No.21 sa syudad nga giistriktohan ang pagawas ug sulod sa GenSan ug sa curfew nga gipatuman.
Dili ikalimod nga sobra tuig na nga dili kaayo pa gawasnon ang pagtapok tapok og dinaghan, luyo nga kinahanglan usab kini aron mawagtang ang stress ug kalaay.
Apan sama sa hangyo sa mga doktor ug mga local officials, dili pa gayud magpatuyang sa pag-enjoy ang mga katawhan tungod wala pa nakab-ot ang herd immunity, tungod padayun pa ang pagpabakuna.
Sakripisyo pa og gamay, mao ang hangyo sa Ama ng Brigada alang sa tanan ug angayang makasabot sa tumong nganong istrikto ang border sa GenSan ug gipatuman ang curfew tungod ang paggawas sa dis oras tungod sa paglingaw lingaw ug pagtagay tagay lagmit nga maoy hinungdan unya sa pag-angkon sa sakit, ug pagtaas sa kaso sa virus.
Kung adunay gisampolan nga bar tungod misupak sa protocols, ingon man beach resort nga gipasirado tungod wala natuman ang social distancing, kini ang magsilbing ehemplo sa uban nga sundon gayud ang balaod.
Dugang pa ni Catulpos, balansehon kanunay ang kaayohan ug kadautan sa direktiba ug ang katawhan angayang makasabot niini aron sila dali lang usab mutuman.
Siyempre sa hiniusang pagdesisyon ug suporta sa unsa mang kamanduan, anaa kana sa lider nga may kusog nga makasustinir aron kaayohan sa katawhan ug kalambuan sa syudad, maangkon.