KOOPERASYON sa tanan ang kinahanglan aron dili na motaas ang kaso sa COVID-19.
Kini ang gihingusgan ni Geraldine Zamora, labaw sa city permits and licensing divison sa LGU- GenSan human namatikdan nga kulang sa disiplina ang mga tawo, tungod sa padayung paghimo og kalapasan sa mga health protocols.
Gihingusgan niini nga kinahanglan nga dili lang establismento nga mulapas sa health protocols ang pamultahon apan labaw na sa tawo, nga wala gasunod sa mga patakaran batok COVID-19.
May gisumite na sila nga findings ngadto sa Mayor’s office sa ilang matag adlaw ug gabii nga paglibot suroy sa dakbayan ug may rekomendasyon na nga gihimo.
Awhag pa ni Zamora sa tanan nga magtinabangay batok COVID-19 ug muhimo sa ilang tahas ang kapulisan ingon man mga barangay officials.
Sa karon mamatikdan matud pa ang saka panaog sa kaso sa COVID-19 sa GenSan hinungdan giawhag ang mga katawhan, dili mahimong pasaway ug mutuman sa mga health protocols.