KORONADAL CITY- AABOT na sa 1,578 na mga job vacancies ang maaring aplayan ng mga jobseekers sa rehiyon 12 sa isasagawang Labor Day Trabaho Negosyo Kabuhayan o TNK Job and Business Fairs sa May 1, 2022.
Batay sa datos ng Department of Labor and Employment o DOLE 12, na ito ay nagmula sa 28 mga local employers, at 5 mga overseas employment agencies.
Karamihan sa mga bakanteng trabaho sa lokal ay ang bagger, teller, sales associate, teachers, stockman at iba pa.
Samantala, cleaners, butchers, laborers, waiters, factory workers, at care workers naman ang mga overseas employment opportunities sa Saudi Arabia, Italy, Kuwait, at Japan.
Ang Labor Day Job Fair ay isasagawa sa KCC Mall of Marbel Events Center.
Hinihikayat naman ni DOLE 12 Assistant Regional Director Arlene Bisnon ang mga jobseekers na magpa-pregister online upang mas mapabilis ang proseso ng kanilang application.
Ngunit, nilinaw nito tatanggap pa rin sila ng walk-in clients.
Sa magpaprehistro, i-click lamang ang link na ito: https://bit.ly/D12May1JobFair.
![](https://i0.wp.com/brigadanews.ph/wp-content/uploads/2022/04/1-22-1024x1024.jpg?resize=1024%2C1024&ssl=1)