Aabot sa 15,000 hanggang 20,000 doses ng COVID-19 vaccine ang makukuha ng mga lalawigan sa labas ng Metro Manila kapag dumating na ang mas maraming suplay ng COVID-19 vaccines.
Ito ang sinabi ni vaccine czar Carlito Galvez Jr. kung saan 5.5 milyong doses ng Sinovac vaccine ang ipapadala umano sa bansa ng China sa susunod na buwan.
Nilinaw ng kalihim na target ng vaccine manufacturer na matapos ang 20.5 milyong doses na ide-deliver sa bansa pagdating ng Setyembre sa halip na Nobyembre ngayong taon.
Sa ngayon aniya, mahiti 14 milyong doses na ng COVID-19 vaccine ang nakuha ng bansa at mahigit siyam na milyon nito ay dumating ngayong Hunyo.
Kasabay nito, ibinida ni Galvez na sinelyuhan ng pamahalaan ang 40 ilyong doses ng COVID-19 vaccine mula sa Pfizer na pwede na ring maiturok sa mga edad 12 years old pataas.