Mga lambat na gamit ng norway na iniwan sa karagatang sakop ng Mercedes narekober ng Bantay Dagat

CAMARINES NORTE- Narekober kamakalawa ng Bantay Dagat ng Lokal na Pamahalaang Bayan ng Mercedes, Camarines Norte ang mga lambat na gamit umano sa iligal na pangingisda.

Ayon kay Mayor Alexander Pajarillo narekober ang naturang mga  fishing paraphernalia sa may bahagi ng Canimog makaraang makatakas ang isang Norway na iligal na nangingisda sa loob ng Municipal Water.

Hindi umano natukoy kung mga taga saan ang tripulante na pinutol ang mga lambat at tumakas palayo bago pa maabutan ng Task Force.

Personal namang pinangasiwaan ng Alkalde ang pag kustodiya sa mga narekober na lambat para sa kakukulang disposisyon.

Binigyang diin ng LGU na mahigpit na ipinagbabawal sa ilalim ng batas partikular ng Sec. 95 ng R.A. 10654 o Philippine Fisheries Code ang pagpasok ng mga malalaking commercial fishing vessel sa loob ng municipal water gamit ang active fishing gear na naka- define sa naturang batas.

Mababatid na maliban sa naturang LGU ay puspusan din ngayon ang kampanya ng Provincial Government kontra iligal fishing.

Kaya naman nilikha ang Governor’s Special Action Group (GSAG) sa bisa ng Executive Order ng Gobernador.

Kamakailan lang ay isinailalim sa 3- day training ng Bureau of Fisheries and Aquatic Resources ang mga miyembro nito.

Photo: Mayor Alex

Leave a Reply

Your email address will not be published. Required fields are marked *