Gipaniguro sa Philippine Reclamation Authority nga mahatagan sa igong pagtagad ang mga ma-apektuhan sa pagpatuman sa reclamation projects sa nagkadaiyang bahin sa nasod pinaagi sa pagsunod sa mga proseso.
Sumala ni Philippine Reclamation Authority General Manager and CEO Atty. John Rubiato nga sagad sa maigo sa reclamation project ang mga mananagat, diin hatagan kini sila sa alternatibong panginabuhian o ka-plastaran, ingon man ang kinaiyahan kung asa ipasiguro una sa maong ahensya nga makakuha ang aplikante sa Environmental Compliance Certificate.
Gipasabot ni Rubiato nga dili basta-basta ang pagpatuman sa mga proyekto tungod galantawon ug gabalansehon nila ang mga posibling epekto niini ug mag-depende sab kini sa gikinahanglan sa usa ka lugar, dili lamang sa aspeto sa pagbutang og negosyo, kundi ang gikinahanglan nga kalambuan nga ipaagi sa reclamation.
Kasagaran sa aplikante sa reclamation projects, mao ang mga Local Government Units, ug mamahimo sab maka-apply niini ang individual person, Pilipino Corporation, National Agency, ug Government Owned and Controlled Corporations.