Mga mangunguma sa 4 ka kabanwahan sa Capiz, nakabaton sang ayuda

Nakabaton sang financial assistance ang mga mangunguma sa 4 ka kabanwahan sa Capiz gikan sa gobyerno probinsyal kag Department of Agriculture subong nga adlaw, Marso 21.

Nagbaton sang ayuda ang 459 ka rice farmers sa banwa sang Panay, 394 rice farmers sa Pontevedra, 104 rice farmers sa Pres. Roxas kag 459 rice farmers sa banwa naman sang Pilar.

Ginpangunahan ni Governor Fredenil Castro ang pagpanagtag sang ayuda kag nagpaabot man sang mensahe sa mga mangunguma.

Ang ini nga programa sang gobyerno nangin posible bangod sa pagtimakas kag madasig nga paghikot sang Department of Agriculture nga ginapangunahan ni Sylvia Dela Cruz.

Kaupod man diri sanday 1st District Deputy Provincial Administrator Ricky Martin, Mayor Vicente Bermejo, Mayor Henry Tumlos, Mayor Receliste Escolin kag Vice Mayor Braggy Asis. Ang pagpanghatag sang nasambit nga bulig yara sa idalom sang Rice Competitiveness Enhance Fund – Rice Farmers Financial Assistance (RCEF-RFFA) sang DA bilang temporaryo nga bulig sa aton mga mangunguma sa implementasyon sang Rice Tarriffication Law kag sa dugang man sang halit nga dala sang bagyong Paeng sa ila mga pananum. | Judy Ann Juare

Leave a Reply

Your email address will not be published. Required fields are marked *