NIBUHOS ang pagpasalamat sa mga membro sa Person With Disability (PWD) sa General Santos City programang cash for work sa taga Department of Social Welfare and Development Office kon DSWD gumikan ilaha na nga nadawat ang suhol sa ilang hinagoan.
Sumala sa labaw sa Person with Disability Affairs Office kon PDAO nga si Maria Rita Velos naga pasalamat siya sa programa nga Cash for work sa DSWD gumikan naka benipisyo niini ang kapin 800 ka mga membro sa PWDs sa General Santos City.
Sumala sa pangulo sa PWD association sa Barangay Calumpang nga si Thelma Tubiano daku ang iyang pasalamat kay naa na silay pang handa sa Pasko tungod sa Cash for Work nga programa 87 ka sakop niini ang nakaapil.
Sumala usab kay Elmo Alba ang kanhi labaw sa PWD Federation sa Gensan nga sa mga wala nakadawat aduna pay higayon sa sunod nga hugna sa programa, ang tambag niini nga mamahimo lang aktibo sa ilang grupo.
Sumala usab kay Purok Kagawad Albert Bohol nagapasalamat siya sa mga opisyales sa syudad, napulo ka adlaw daw sila nga nang hinlo sa kadalanan sa Barangay sugod kaniadtong Disyembre singko,unya karon nidawat siya ug P3,500 nga suhol.
Kahibaluan nga ang mga PWDs nga dili na kaya ang manghinlo nagpadala lang sa ilang mga kabanay nga mao ang nitrabaho. I Ver Diazon