CAMARINES NORTE- Nananatiling mababa ang bilang ng mga indibidwal na nababakunahan ng booster shot sa lalawigan ng Camarines Norte.
Umaabot pa lang sa 45, 426 o 10. 5 percent ang mga nakatanggap booster dose sa 323, 058 na fully vaccinated.
Batay ito sa datos ng Provincial COVID- 19 vaccination operation center as of October 28,alas 6 ng umaga.
Ang bayan ng Daet ang may pinakamalaking porsiento sa ngayon na nabakunahan ng booster shot.
Nasa 17, 682 o 22. 7 percent ang nabakunahan ng booster shot sa 72, 944 na fully vaccinated.
Ang San Vicente naman na pinakamaliit na bayan ay nakapag booster na ng hanggang sa 20 percent o 1, 545 sa 8, 476 na fully vaccinated.
Sa San Lorenzo Ruiz ay nasa 12 percent na ang nakatanggap ng booster dose o 1, 260 sa 7, 730 na fully vaccinated.
Nasa 11. 6 percent naman ang nabakunahan ng booster sa Mercedes o 4, 391 sa 26, 242 na fully vaccinated.
Ang nalalabing mga bayan ay wala pang sampung porsiento ang coverage sa unang booster shot.
Nasa 5, 717 o 1. 32 percent ang nakatanggap na ng ikalawang booster sa buong lalawigan.
