Mga nabiktima sa rape ug domestic violence cases sa Northern Mindanao gipaniguro nga mahatagan sa hustisya

Gipaniguro sa Department of Justice Regional Office 10 nga mahatagan sa hustisya ang mga nabiktima sa rape ug domestic violence cases.

Gibutyag ni Regional State Prosecutor Merlyn Uy nga ubos sa witness protection program paningkamotan sa hintundang ahensya nga mapaubos sa trial ang kaso hangtod makakuha og hukom.

Sa oras nga makuha ang conviction, panahon nasab nga i-proseso ang pag-relocate sa biktima ug pinaagi niini nga paagi makita sa mga biktima nga midapig ang gobyeno kaniya.

Gihimo kini nga pamahayag sa DOJ alayon nasab sa gisugdan nga 18-day campaign to End Violence against Women.

Kahibaloan nga una nang mi-angkon ang DOJ nga dunay pagtaas sa kaso sa VAWC sa panahon sa pandemya, diin dinhe lamang sa Cagayan de Oro mitala sa 225 ka kaso, ug pipila sab ka kaso ang natala sa Misamis Oriental ug Lanao del Norte.

Leave a Reply

Your email address will not be published. Required fields are marked *