Mga nagapuasa nagahinam-hinam na sa Eid’l Fitr sa kahumanan sa Ramadan

NAGAHINAM-HINAM na ang mga nagapuasa sa kahumanan sa ilang pagsakripisyo sa bulan sa Ramadan ug nalipay sila sa proklamasyon gikan sa Malacañang nga Holiday sa Abril 21, 2023 tungod sa Eid’l Fitr.

Sa paghinabi sa Brigada News Team sa usa ka caretaker sa usa ka mosque sa Barangay Fatima nga si Ibrahim Madroñal, sumala niini nga nalipay sila sa proklamasyon sa Malacañang nga regular holiday sa Abril 21 2023 adlaw nga Biyernes.

Ang mga programa nga ilang giandaman sa Eid’l Fitr mao ang sambayang nga himuon gawas sa ilang mosque,unya nagkinahanglan sila og mga enforcers alang sa ilang safety.

Nangandam usab sila sa ilang handa nga pagkaun gumikan usa ka espesyal nga piyesta sa ilang kinabuhi ang hukas puasa.

Malipayon usab ang usa ka Imam nga si Omar Uyag sa nagkaduol nga Eid’l Fitr kay mahuman na ang ilang pag puasa, nagapanghinaut siya nga makaabot sa Paraiso sa laing kinabuhi isip ganti sa pagtuman sa kabubut-on ni Allah. I Ver Diazon