Mga nagpositibo sa COVID-19 nga mga piniriso sa City Jail padayung gi-monitor

PADAYUN ang monitoring sa City jail warden ug sa RHU Apopong sa kahimtang sa 52 ka piniriso nga nagpositibo sa COVID-19.

Gikumpirma ni Jail Supt. Metz Milton Placencia, city jail warden nga anaa sa maayong kahimtang ang mga piniriso nga nagpositibo sa virus.

Gibutyag niini nga gilahi na og lawak ang mga nagpositibo ug negatibo ug posibleng natakdan sa virus.

Giasoy ni Placencia nga ulahi na sila gipahibalo sa kapulisan sa San Isidro PNP nga positibo sa COVID-19 ang usa ka inmate nga gi-commit kanila niadtong Mayo 5.

Tungod sa insidente, gipangayuan na og negatibong antigen test ang piniriso nga i-commit gawas pa nga dugay na usab nagpatuman og lockdown ang city jail asa wala na gitugutan ang personal nga dalaw.

Ang city jail aduna lamang 400 ang capacity apan sa karon mokabat sa 1,268 ang total inmates niini.

Leave a Reply

Your email address will not be published. Required fields are marked *