Mga nakalinyada nga aktibidades sa ika-72 anyos nga kaadlawan sang Roxas City, all set na

All set na ang mga nakalinyada nga aktibidades sa nagahilapit nga selebrasyon sang ika-72 anyos nga anibersaryo sang Roxas City sa palaabuton nga Mayo 12 tubtob 13 sini nga tuig.

Magapartisipar dire ang 47 ka kabarangayan sa Roxas City para sa masadya kag maduagon nga selebrasyon.

Nahibaluan nga nagpatigayon sang General Meeting / Briefing si Mayor Ronnie Dadivas, kaupod ang tanan nga komite, departamento kag ahensya nga kabulig sa pagsigurado nga mangin masadya, safe kag madinalag-on ang okasyon sang Siyudad.

Angut sini, gina-imbitar naman sang pamunuan ni Mayor Dadivas ang tanan nga pumoluyo sa amo nga kahiwatan. | Judy Ann Juare