BORACAY ISLAND — Pagabuligan it Department of Tourism (DOT) ro mga negosyante sa isla it Boracay nga eubos nga naapektuhan bangud sa covid-19 pandemic.
Nasayuran nga may P6 billion nga nakabaehag sa Bayanihan 2 nga kung siin, igataeana raya okun iga-pautang sa mga negosyante sa isla para makaumpisa ro mga raya sa andang negosyo nga eubos nga naapektuhan.
Maabung negosyo sa Boracay ro eubusan nga nagsara, napundo ro operasyon, nagbuhin it trabahador ag ro iba hay ginbaligya eon lang ro andang business establishment.
Ginaeauman nga mapasugtan eon nga makabakasyun sa isla it Boracay makarung buean it Hunyo ro mga turistang halin sa NCR Plus. / ANN DESLENE SALAZAR