NABAHIN ang panglantaw karon sa pipila ka mga tricycle drivers gumikan sa nahitabo nga panaglalis sa mga membro sa konseho kabahin sa Franchising Guidelines.
Sumala sa pangulo sa Nagkakaisang Yellow Plate Tricycle Drivers Association nga si Raul Absuelo dismayado siya sa lakang ni Kagawad Dominador Lagare Jr. ug malaumon usab nga dumalahan ni Kagawad Odjok Acharon ang komitiba sa transportasyon.
Sumala usab sa pangulo sa Apple Green Cluster nga si Genaro Mission kay ang bag-o nga Guidelines na aprubahan na mao na ang dapat sundon, sa ilaha nga bahin aduna silay 230 ka sakop nga pending ang application sa franchise ug nagalaum nga ma hapsay na ang patikang sa SP aron nga dili na malangay ang ilang franchise.
Gipaklaro usab niini nga wala silay gidapigan sa kinsa man nga mga konsehal. I Ver Diazon