Mga outbound OFWs, kabale na sa A1 Priority Group sa bakuna kontra covid-19

BICOL – IPINAHAYAG kan  Department of Health o DOH-Bicol an re-categorization kan  mga outbound o papahali na mga OFWs sa covid-19 vaccine prioritization kan  gobyerno.

Base sa National COVID-19 Vaccine Operations Center (NVOC) Advisory No. 53, an mga OFWs na maluwas sa nacion  sa masunod na apat na bulan puon  sa date of vaccination an magiging kabale  sa Priority Group A1.

 An lakdang  na  ini soboot   an tangani na  matabangan  an mga OFWs na mabalik sa mga nacion kun saen required na fully-vaccinated na an sarong  indibidwal.

Pwediser na mag rehistro an mga outbound OFWs, na ngunyan iyo an  kabale na sa Priority Group A1.8, sa saindang mga barangay o LGUs gamit an mga dokumentong nagpapatunay kan saindang overseas employment.

Dahil sa travel restrictions asin pangangaipo na  magpasiring  sa ibang lugar para mag proseso nin travel docs asin  requirements, tutugutan an mga ini  na sa magkaibang lugar isagawa ang 1st at 2nd dose ng bakuna kung magagarantiya na parehong brand at pasok ito sa scheduled dosing interval.

Tinawan duon kan  DOH-Bicol na solamenteng  an Sinovac asin  AstraZeneca vaccines an presenteng  available sa rehiyon asin  an mga ini an alllocated na. Siring man , pig iingganyar  pa man giraray mga ini na magparehistro na tanganing tolos  na maabisuhan oras na mag abot na an  dugang na   dose.

Mantang  pig aabisuhan  man an  mga OFWs na pabalik sa mga nacion na nagre require nin  specific na brand nin bakuna na bako available sa rehiyon na magpasiring  sa NCR o ibang lugar na igwang suplay kaini.

Leave a Reply

Your email address will not be published. Required fields are marked *