LEGAZPI CITY – Makakaresibe nin tabang pangkabuhayan an mga residenteng mga paraoma asin parasira sa banwaan kan Rapu-rapu, Albay.
Ini kaya huli sa namamatean ngunyan na raot kan panahaon durante kan northern asin southwest monsoon.
Makalihis ini kan pigkondusir na pag-urulay sa pagulatanan kan Albay Public Safety and Emergency Management Office (APSEMO) asin kan LGU Rapu-rapu para sa posibleng DRRM assistance.
Sa ngunyan, naghahalat na sana an gobyerno-probinsyal sa isusumiter na listahan kan mga programa kan LGU para sa mga residente.
Piglalaoman man kan APSEMO nan gun yan na semana, matatao na sa mga residente an nasambitan na asistensya sa saindang kabuhayan.
Mientrastanto, dugang pa digdi, antes na maisapinal an mga hagad na programa, magkakaigwa an LGU nin konsultasyon ngani masyerti na makakatabang sainda an kabuhayang itatao kan gobyerno.