Mga pasyente at bantay na magtutungo sa CVMC, isasailalim na sa rapid antigen test

Isasailalim na sa rapid antigen test ang lahat ng mga pasyente na magpapakonsulta o magpapagamot sa Cagayan Valley Medical Center kasama ang kanilang mga bantay.

Ayon kay Dr. Glenn Mathew Baggao, ang hepe ng CVMC, ito ay upang masiguro na negatibo sa COVID-19 ang mga ito bago dalhin sa regular emergency room.

Aniya, nito lamang Lunes, May 24 ay naglagay sila ng booth swab sa emergency room kung saan isasagawa ang antigen test.

Ginawa umano ang naturang hakbang upang hindi na maulit ang katulad ng nangyari noon kung saan nagpositibo sa virus ang isang pasyente matapos sumailalim sa operasyon at nahawaan pa ang kapwa pasyente nito maging ang mga staff na nag-asikaso sa kaniya.

Sinabi pa ni Dr. Baggao, na ang mga pasyenteng magpopositibo sa antigen test ay dadalhin sa COVID ward at imomonitor ang kanilang kalagayan.

Leave a Reply

Your email address will not be published. Required fields are marked *