Gipahibawo daan ni Police Brigadier General Anthony Aberin, direktor sa Police Regional Office-7 nga dili siya magduha-duha sa pagrelibo sa mga police officials nga hinay ug performance sa pagbatok sa kriminalidad.
Matud ni Aberin, muhimo siya ug performance evaluation sa tanang station commanders sa tibuok Central Visayas nga mao unyay basehan sa ipatuman nga re-shuffling.
Sa mga mosunod nga adlaw, muhimo ug surprise visit ang direktor sa PRO-7 sa tanang police offices ug stations aron susihon kung nagtrabaho ba gyud ang iyang mga pulis.
Gitinguha sa PRO-7 nga ang tanang pulis sa Central Visayas mosunod sa unsa man ang ipatuman nga programa sa Philippine National Police.//