Ginpasiguro it DSWD Field Office VI sa mga Ilonggos sa Western Visayas nga magapadayun ro mga programa kara sa panahon it eleksyon.
Raya hay matapos aprubahan it Commission on Elections ro hinyo it DSWD para sa exemption it pagpatuman it mga programa ag serbisyo halin sa spending ban nga nakabaehag sa probisyon it Section 261 it Omnibus Election Code kaangot sa COMELEC Resolution No. 10944.
Kaibahan sa mga programa it DSWD nga magapadayun hay ro subsidy para sa rice retailers sa idaeum it Sustainable Livelihood Program-Economic Relief Subsidy.
Ginapasugtan man ro departamento nga ipadayun ro disaster relief, early recovery ag rehabilitation programs, ag pagtao it programa ag serbisyo para masabat ro kinhangeanon it mga pigado, maeuya ag marginalized Filipinos. // ANN DESLENE SALAZAR