Mga programa ng DOH Bicol na may kaugnayan sa mental health awareness, inilatag

LEGAZPI CITY – Inilatag ng Department of Health (DOH) Bicol ang kanilang programang ginagawa at inihanda na may kaugnayan sa mental health awareness sa rehiyon.

Ayon kay Wendy Baluis, mental health program coordinator ng nabanggit na ahensya, patuloy ang pagbibigay nila ng serbisyo sa tulong ng mga lokal na pamahalaan at mga rural health units, at ang mga doctor at nurses naman umano ay sinanay sa pag-aassess, pagtingin at pagbigay ng mga management sa mga service users na maaaring dumulog sa mga health facilities.

Katunayan umano, ay may mga trainings na binibigay ng DOH katulad ng mental health gap action program at iba pang trainings sa mental health psychosocial support and services.

Dagdagng pa rito, nagsasagawa rin sila ng Psychological First Aid (PFA), stress debriefing, stress management na pawing tungkol sa pagbibigay ng mga interbensyon sa mga kliyente o service users.

Maliban pa rito, nagbibigay pa ang ahensiya ng mga commodities o mga psychotropic drugs sa mga health facilities upang magbigay ng buong suporta sa mga service users, at marami pang iba.

Ang mga nabanggit na programa ay ginagawa upang maiwasan ang pagdami ng suicide cases sa rehiyon at bilang pagdiriwang umano ng mental health awareness week.

Leave a Reply

Your email address will not be published. Required fields are marked *