NAGPAHIGAYON na og transition meeting ang adminitrasyon ni Mayor Ronnel Rivera ug ni Mayor elect Lorelie Pacquiao milabay nga semana samtang ginapangandaman usab ang pagpanumpa ni Pacquiao sa Hunyo 28 sa kasamtangan nga tuig.
Sa kumpermasyon sa usa ka staff sa Sangguniang Panlungsod unya masugid nga taga suporta ni Pacquiao nga si Purok Kagawad Boyet Bagatao sumala niini nga natigayon na ang transition meeting tali sa incoming ug outgoing mayor.
Usa sumala pa sa napatawag ang taga City Engineers Office aron matubag ang mga pangutana kalabot sa mga wala matapos nga mga proyekto.
Sumala kay Bagatao nga nahisgotan ang mga wala nahuman nga project, unya ang mga na blacklist nga contractor.
Gipasalig sumala pa ni Pacquiao nga ipadayon ang mga wala nahuman nga proyekto ni Rivera, katong mga proyekto nga angayang humanon aron maka benepisyo ang katawhan sa Gensan.
Samtang gipangandaman na sumala pa sa taga Human Resource ang oath taking ceremonoy ni Pacquiao sa umaabot nga Hunyo 28 sa Lagao Gymnasium.