Mga pulis sa Boracay gindayaw bangud sa pagpabilin kara nga salbar ro isla para sa mga turista

Bangud sa padayun ag agresibong operasyon it kapulisan sa nagtaliwan nga daywang dag-on, naabot it banwang Malay sa Aklan ro 100 percent drug-cleared status.

Suno kay Police Lt. Col. Don Dicksie De Dios, chief of police it Malay Municipal Police Station, nga ro agresibong tikang it pulisya hay nagresulta sa zero major crime incidents sa parehung lokal ag international events nga ginhiwat sa Boracay.

Gin-presentar ni De Dios ro anang tour of duty report sa Sangguniang Bayan kung siin ginplastar nana ro mga nahimo it pulisya sa pagmintina it katawhayan ag kaayusan, eabi eon sa isla it Boracay.

Gin-aprubahan man it Sangguniang Bayan ro sangka mosyon nga himuon nga adopted son it Malay si De Dios bilang pagkilaea sa anang pagtinguha sa katawhayan ag kaayusan sa isla. // ANN DESLENE SALAZAR