Mga pulis sa Western Visayas nga nabakunahan kontra sa COVID-19, nagaabot eon sa 39%

KALIBO, AKLAN—Nagaabot sa 5,239 nga mga police officer sa Western Visayas ukon katumbas it 39% do nabakunahan eon kontra sa coronavirus disease 2019 (COVID-19).

Base sa it Police Regional Office (PRO) 6, do Aklan Police Provincial Office hay may unang 311 PNP personnel nga nakabaton it andang 1^st dose ag 230 do fully vaccinated.

Sa Antique Police Provincial Office 72 do nakabaton it 1^st dose, 339 completed, Bacolod City Police Office 114 do may first dose, 323 completed, Capiz Police Provincial Office 31 first dose, 432 completed, Guimaras Police Provincial Office 20 first dose, 65 completed, Iloilo City Police Office 119 first dose, 510 completed, Iloilo Police Provincial Office 461 first dose, 594 completed, Negros Occidental Police Provincial Office 363 first dose, 467 fully vaccinated,  Regional Headquarters 137 first dose, 430 completed ag sa Regional Mobile Force Battalion (RMFB) 216 do naturukan it 1st dose, ag lima do nakompleto do pagpabakuna maghalin sa  1,002 total personnel.

Samtang, nagaeaom man si Police Lieutenant Colonel Joem Malong, PRO-6 spokesperson, nga mas maabong police personnel do mababakunahan kung siin as of August 2, 2021, do PRO 6 hay nakalista it kabilugan nga 1,107 pulis nga hatapnan it  COVID-19, 966 do  nakarecover, may 138 activecases ag tatlo man do namatay. // SHERRY ANNE REUNIR-VIDAL