Mga rebelde nga NPA sa Western Visayas, padayon ro pag-surender sa mga otoridad

Bangud sa malisod nga kondisyon nga na-eksperyensiya sa kilusan it New People’s Army (NPA) sambilog pa nga rebelde ro boluntaryo nga nag-surender sa kapulisan ag militar sa Tibiao, Antique ku Oktubre 13.

Base sa 25 anyos nga rebeldeng ginkeaeang “Ka Nonoy,” gutom, kakulangan sa tueog, ag kalisdanan sa pagmasakit ro naging rason para magkaeas raya sa grupo.

Ginbuyagyag man it nagsurender ro anang grupo nga ginakeakipan, ro F14, Squad 3 it Sentro de Gravidad Platoon Baloy 1, Central Front Committee it Komite Rehiyon Panay nga naga-operate sa tunga nga parte it probinsiya it Iloilo.

Naging Finance ag Logistics Officer, Assistant Squad Leader, ag Medical Officer man segun imaw sa nasambitan nga kilusan.

Si Ka Nonoy hay presente nga sa kustodiya it Regional Intelligence Unit 6.

Matandaan nga sa mga nagtaliwan nga mga buean pila ka mga rebeldeng indibidwal ro nagsurender sa maeain-eain nga parte it rehiyon bangud sa pareho nga rason./JIL B. LACSON