Ro mass vaccination ro ginakonsidera nga pinaka-epektibo nga pamaagi agud mapundo ro krisis it pandemya, base sa Department of Health (DOH).
Base man sa pahayag it DOH Region 6, ro tanan nga mga eligible nga residente it Western Visayan hay ginakumbinse nga mag-intra sa national vaccination drive sa Nobyembre 29 hasta Disyembre 1.
Samtang, base sa lokal nga pamunuan it Iloilo ro “Bayanihan Bakunahan” hay sambilog ka “wakeup call” para sa publiko nga magpabakuna eun kuntra sa COVID-19 infection.
Target it probinsiya nga ma- inoculate ro 338,716 ka mga indibidwal halin sa 42 nga mgabanwa ag sambilog ka component city sa tatlong adlaw nga “Bakuunahan Bayanihan.”
Samtang, target man it iba pa nga mga probinsiya sa rehiyon nga mag-inoculate it masobra 1.2 milyong tawo:
* Aklan – 79, 521
* Antique – 115, 217
* Capiz – 133,576
* Guimaras – 28, 699
* Negros Occidental – 516, 807
* Bacolod City – 66,171
Uwa eun nakaibahan sa listahan ro Iloilo City bangud nag-abot eun sa 119% ro andang vaccination accomplishment./JIL B. LACSON