Mga Senior Citizen posibleng susunod nang babakunahan-DOH Bicol

LEGAZPI CITY – Maaari na umanong mabigyan ng bakuna ang mga Senior Citizen at Comorbidity sa Bicol Region sa oras na mabakunahan ang lahat na nasa A1 priority group o medical healthcare workers.


Ito ang inihayag ni Dr Lulu Santiago, ang covid 19 Vaccination program ng Department of Health (DOH) Bicol sa pressconference kahapon.

Ayon kay Santiago, posibleng isusunod na sa pagbabakuna ang nasa A2 at A3 priority group dahil sa mayroon naman sobra o matitira na bakuna na dumating nitong nakaraang araw kung saan ay nakalaan para sa A1.


Umaabot kasi sa mahigit 129K ang dumating na coronavac vaccines sa nasabing rehiyon kung saan sasapat na ang bakuna para public at private na ospital sa healthcare workers.

Nasa 226, 894 na senior citizen ang nakapagrehistro sa Bicol base sa huling tala ng Vaccination Information Management System-Immunization Registry.


Hinikayat na rin ang publiko na magparehistro na sa malapit na health center upang mabigyan ng bakuna kontra covid 19.


Tinatayang mahigit 110, 810 na healthcare workers ang nakarehistro sa A1 priority group.

Leave a Reply

Your email address will not be published. Required fields are marked *