MANAGSAMANG gina-awhag nilang Ben Claudio, Vice President sa General Santos City Chamber of Commerce and Industry, Incorporated ug Kagawad Lourdes Casabuena ang mga senior citizen nga magpabakuna batok COVID-19 aron makabaton sila og proteksyon.
Segun ni Claudio, isip miyembro sa IATF nga kaniadto pa ang pag-awhag niini sa business community nga magpabakuna mao nga bisan wala pa ang bakuna, nakadesisyon na kini ug iyang asawa nga magpabakuna.
Human mabakunahan, wala matud pa silay gibati nga side effects ug hugot gipasalamatan ang mga nag-administer sa bakuna ingon man sa grupo nilang Dr. Jett Oco, labaw sa City Health Office.
Sama ni Claudio, si Kagawad Casabuena ang apil nagpabakuna tungod senior citizen na usab ug gusto niining ipakita sa mga kapareho niini og edad nga luwas ang bakuna.
Siya ang nagpabakuna isip proteksyon ug giangkon nga wala usay gibating side effects tungod pagkahuman nga mabakunahan, nagsuroy suroy pa kini sa mall hinungdan giawhag ang uban nga magpabakuna. Sa update sa City Health Office, anaa na sa 1,081 ang nabakunahan nga mga senior citizens sa GenSan.
Photo: LGU-Gensan