Mga suspek sa pagtulis ug pagpusil sa magtiayong senior citizen, ginapangita

Padayon nga gipangita sa mga personahe sa Mati Police Station kung si kinsa ang mipaluyo sa pagpanulis ug pagpamusil sa magtiayong senior citizen nga miresulta sa pagkamatay sa babayeng biktima didto sa Purok Daisy, Sitio Kawitan, Brgy. Buso, Mati City, Davao Oriental.

Ang mga biktima giila nga sila Isabelita Carbonilla, 60 anyos, usa ka purok president, kinsa namatay human nga napusilan saiyang ulo samtang ang bana giila nga si Juanito Carbonilla, 61 anyos usa ka Treasurer sa Cacao Association, nga kritikal ang kahimtang human nga napusilan sab kini saiyang liog og milapos saiyang aping.

Subay sa imbestigasyon, anaa sulod sailang panimalay ang magtiayon samtang nagtan-aw og salida sa dihang kalit na lamang kining gisulod og 3 ka mga wala mailhing suspetsado og gipangayoan og kwarta.

Gihatagan matud pa ni Juanito ang mga suspwk og Php 6,000 apan wala gihapon kini makuntento ug gipusil ang magtiayon diin naigo ang babaye saiyang ulo nga miresulta saiyang hinanaling kamatayon samtang ang lalaking biktima napusilan saiyang liog.

Naka-ikyas pa si Juanito ug nakapangayo og tabang sa silingan hinungdan nga nahatod kini sa balay tambalanan.

Sa karon, nanawagan ang Mati PNP sa katawhan nga makigkoodinar o ireport gilayon saila kung adunay nahibaloan kalabot sa maong insidente.