Bukas na ang Mabalacat city sa pagbabakuna sa mga hindi residente ng kanilang lugar.
Ayon kay Mabalacat city mayor Cris Garbo, tumatanggap na sila ng mga 18 years old pataas na nais magpabakuna mula sa mga kalapit nilang munisipyo at lungsod.
Sa katunayan, meron na silang nabakunahan na nasa apat hanggang limang libo katao, mula sa Bamban, Tarlac, Porac, Magalang at Angeles city.
Mag walk-in lang anya sa Cinema 1 at 2 ng SM Clark tuwing Byernes mula alas otso hanggang alas dose ng tanghali, kung saan ginaganap ang vaccination.