Mga taga-Western Visayas gindomena do tourist arrival sa Boracay sa buean it Mayo

MALAY, AKLAN—Gindomena it taga-Western Visayas do tourist arrival sa isla it Boracay para sa buean it Mayo 2021.

Base sa ginpaguwa nga datos it Malay Tourism Office umpisa May 1-30, 2021, nagaabot sa 1,553 do mga taga-Region 6 nga nagbakasyon sa isla kung siin 1,002 kara hay mga Aklanons.

Ginasundan man raya it mga taga-CALABARZON nga nagaabot sa 68, National Capital Region (23), Central Visayas (45), Central Luzon (13), CAR, MIMAROPA, SOCCASSARGEN, Bicol ag Davao Region.

Samtang, positibo man do mga stakeholders sa Boracay nga makabawi sa halit nga gintuga it coronavirus disease bisan sa ulihing an-um nga buean makarun nga dag-on. // SHERRY ANNE REUNIR-VIDAL

Leave a Reply

Your email address will not be published. Required fields are marked *